Дури и ако вашите операции за складирање функционираат без проблеми и сте задоволни со вашата флота на вилушкари, може да има и моменти кога ви треба дополнителна помош за да ги задоволите потребите на побарувачката. Краткорочното изнајмување најчесто се користи од страна на логистиката за да ги направат овие стресни периоди полесни, но постојат многу други добри причини за изнајмување на камиони за кратки периоди, дури и во помирен период од годината.

Без оглед на големината на вашиот товар, оваа опција навистина може да ви помогне. Тука ке ги разгледаме дел од придобивките.

1. Не се врзувате со капитал

Кога купувате вилушкари за да го проширите бизнисот, врзувате голема количина на пари што може да се искористи за други цели. Зошто да не пробате краткорочно изнајмување следниот пат? Ако побарувачката и понатаму е висока во иднина, може да размислите за купување на вилушкарот, ако не, краткорочното изнајмување на долг рок ќе ви заштеди пари.

2. Можете да пробате нови вилушкари пред да вложите во купување

Добивањето на вистинскиот вилушкар е важно, а не нешто што сакате да одлучите во брзање. За да го олесните ова, можете да изнајмите неколку вилушкари за краток период за да ги пробате пред да одлучите.

3. Вие ги знаете сите ваши трошоци од самиот почеток

Животот на сметководителите може да биде многу полесен со краткорочен закуп. Многу добавувачи ја одредуваат цената на вашиот посакуван период на изнајмување од самиот почеток. Ова значи дека трошоците се предвидливи, а вие не мора да бидете изненадени кога е време да ја платите сметката.

4. Кратки сте со време? Нема проблем

Една од големите предности на краткорочното изнајмување е дека времето од барање до испорака најчесто е многу кратко. Нема потреба долго време да чекате да се произведе вилушкарот, што значи дека можете брзо да започнете со поголем капацитет на работа.

5. Можете да се ослободите од него кога сакате

Вашиот изнајмен вилушкар можеби помогна да имате сезона без стрес, но што се случува после тоа? Наместо да имате вилушкар што стои на подот за складирање кога обемот на работа се враќа во нормален капацитет, можете да го вратите изнајмениот вилушкар назад.

6. Сервисот е обично вклучен

Магацините се предизвикувачки средини и иако несреќите можат да се намалат, тие никогаш не можат целосно да се отстранат. За среќа, вашиот снабдувач може да обезбеди сервис за да му даде максимално време на работа на вилушкарот.

7. Постои голем избор на располагање

Кога ќе изнајмите вилушкар за краток период, обично не сте ограничени само на вилушкари кои се во производство во дадено време. Флотата за изнајмување на многу добавувачи содржи машини од сите типови и нивоа на користење - па без оглед на тоа за каква задача ви се потребни, или колку сакате да потрошите, обично има соодветен вилушкар за вашата работа.

Краткорочното изнајмување е одличен начин за дополнување на вашиот вилушкарски возен парк во време на голема побарувачка - но единствено тоа не е нужно само кога ви требаат краткорочни вилушкари за изнајмување.